1922 сыллаахха саха чулуу уолаттара Максим Аммосов, Платон Ойуунускай, Исидор Барахов, Степан Аржаков, Степан Васильев Саха Автономиятын олохтоон, Өрөспүүбүлүкэ инники сайдыытын түстээбиттэрэ.1992 сылга Муус устар 27 күнүгэр Саха Өрөспүүбүлүкэтин Конституцията ылыллыбыта.Онон 1992 сылтан Саха Өрөспүүбүлүкэтин күнүн быйыл 34 сылын бэлиэтиибит.

Муус устар 24 күнүгэр Өрөспүүбүлүкэ күнүн көрсө Нефтебаза тэрилтэтигэр «Үүнэ сайда тур Сахам сирэ!» диэн тургутук ыытылынна. Үлэһиттэр бары сахалыы таҥнан , сахалыы мааны остуолу тэрийбиттэр.

Тургутук түмүгүнэн, Кыайыылаах Иннокентьева Тамара Викторовна, иккис миэстэ Егоров Александр Степанович,үһүс миэстэҕэ Санников Андрей Александрович тиксэн үөрдүлэр.

Бары да элбэх билиилээхтэрин көрдөрдүлэр,олус көхтөөхтүк кытыннылар. Иккис чааһыгар библиотекарь Ирина Егоровна «Вакинг» үҥкүүнү билиһиннэрдэ.Үнкүү хас сылтан,ханна саҕаламмытын кэпсээтэ,билигин аан дойдуга тарҕаммыт үҥкүү буолар.Ирина Егоровна бу үҥкүүнэн үһүс сылын дьарыктанар, кэккэ ситиһиилэрдээх.Үҥкүү сүрүн хамсаныыларын көрдөрдө уонна бары үҥкүүлээн олус астыннылар.Түмүккэ бары хаартыскаҕа түстүбүт.

Рея Васильева