«Ньурба улууһа» муниципальнай оройуон дьаһалынан Саха Өрөспүүбүлүкэтигэр култура сылынан, уонна биир дойдулаахпыт, саха бастакы бэйиэт кыыһа Варвара Потапова 80 сааһын туоларынан Ыам ыйын 13 күнүн поэзия күнүнэн биллэрилиннэ.

Саха дьахталларыттан бастакы бэйиэт Варвара Потаповаҕа анаан, ыам ыйын 13 күнүгэр, Киирэп орто сүһүөх оскуолатыгар «Үчүгэйиэн, бу сиргэ үөрэ-көтө сылдьар, үгүс дьоннуун сэргэ, олох дьолун сырсар»-диэн библиотечнай урок буолла.Күн бүгүн Варвара Потапова хоһоонноро үгүс дьону абылыыр,айар үлэҕэ кынаттыыр.Кини үйэлээх поэзията долгутар,сыллар аасталлар даҕаны дьон таптала уҕараабат. Мустубут оҕолор чуумпуран олорон Варвара Потапова хоһооннорун иһиттилэр,видеоролик көрдүлэр.Үөрэ-көтө,үлэ-үөрэх аргыстаах олох үөһүгэр сылдьарбыт хайдахтаах күндүтүн өйдөөн,махтанан тарҕастыбыт

Бибилэтиэкэр Николаева А.И.