Алтынньы 25 күнүгэр Чаппанда нэһилиэгэр М. С. Семенов аатынан «Дьоҕур» норуот айымньытын дьиэтигэр Аан дойду үрдүнэн ыытыллар «Үрүҥ торуоска» аахсыйа чэрчитинэн Ньурба оройуонугар, доруобуйаларынан хааччахтаах дьоҥҥо аналлаах тэрээһин: Чаппанда, Дьаархан, Хорула нэһилиэктэрэ кыттыылаах ыытылынна.
Доруобуйаларынан хааччахтаах дьоннорго социальнай кыһалҕаларын быһаарарга, сыалларын ситиһэллэригэр, көмө оҥоро анаан Ньурбаттан тэрилтэ специалистара: көрбөттөр уопсастыбаларын бэрэссэдээтэлэ Яковлева С. А., «Мин Дөкүмүөннэрим» тэрилтэ специалиҺа Иванова С. А., Ньурбатааҕы кииннэммит оройуоннааҕы балыыһа кылаабынай бырааһын солбуйааччыта Анисимов Н. А., Ньурбатааҕы дьарыктаах буолуу киин специалиһэ Тихонова Н. А., Ньурбатааҕы социальнай харалта специалиһэ Андреева Л. П. , инбэлииттэри кытары үлэлиир быраас Захарова Ж. И., «Защитники Отечества» Бүтүн Араассыыйатааҕы фонда соц. координатора Александра Николаевна.
Бу күҥҥэ ыытыллар тэрээһиннэри билсиһиннэрэн тыл эттилэр: көрбөттөр уопсастыбаларын бэрэссэдээтэлэ Яковлева С. А., Иванова С. А., нэһилиэк баһылыга Бухолов К. Г.
Аахсыйа түмүгүнэн хараҕынан көрбөт элбэх оҕолоох аҕа Николаев И.И. дьиэтигэр сылдьан, кэпсэтэн, консультация биэрэн баран 3 группалаах инвилиднаһын 1 группаҕа көһөрөргө докуменнарын оройуоннааҕы врачебнай хамыыһыйа көрүүтүгэр ыытарга быһаарыы ылыллан акт оҥоһулунна.
«Мин көрөбүн сүрэхпинэн» көрбөт дьоҥҥо аналлаах кинигэ быыстапкатыгар Брайль сириибинэн суруллубут кинигэлэри кытары , аудиокинигэлэр уонна бэйээт, публицист, учуутал, сахаларга бастакы тифлопедагог көрбөттөргө аналлаах Брайль сириибинэн сахалыы алпаабыт ааптара, СӨ култууратын үтүөлээх үлэһитэ, СӨ «Гражданскай килбиэн» бэлиэтин кавалера, СӨ үөрэҕириитин туйгуна, СӨ Суруйааччыларын сойууһун чилиэнэ Иван Николаевич Егоров — Уйбаан Горнай кинигэлэрэ көрдөрүүгэ турдулар. Кэлбит ыалдьыттарга араас сахалыы аралдьытар остуол оонньууларын, бибилэтиэкэр Тимофеева Е. С. ыытта, оонньуулар түмүктэринэн: Андросова А. Т. (Хорула), Алексеева С. В.(Чаппанда), Антонова Т. Г.(Дьаархан) үчүгэйдик оонньоон бириистээх миэстэлэри ылан Добун суруктары туттулар, спортзал үлэһиттэрэ: Николаев М., Иванов И. И. Дартс оонньууга күрэх ыыттылар, күрэх кыайыылаахтара кинигэ бэлэхтэри туттулар. Олохтоох балыыһа терапевт бырааһа Прокопьева В. М. кэлбит дьоннору давлениеларын кээмэйдээн, доруобуйаларын көрдө, сүбэлэри биэрдэ.
М. С. Семенов аатынан «Дьоҕур» норуот айымньытын уус-уран салайааччыта Семенова С. Д. кэлбит ыалдьыттары Ийэ декадатын чэрчитинэн эҕэрдэлээн музыкальнай номердары биэрэн бүгүҥҥү күнү түмүктээтэ.
Аахсыйа чэрчитинэн доруобуйаларынан хааччахтаах, харахтарынан мөлтөхтүк көрөр, көрбөт дьоҥҥо нэһилиэк аатыттан куруук улахан болҕомто уурулларыгар уонна күүс-көмө, өйөбүл баар буоларыгар баҕара хаалабыт.
Е.С.Тимофеева Чаппанда.
