Өҥөлдьөҕө олоҥхо декадатын чэрчитинэн «Олоҥхо дьыктаанын» сэтинньи 25-26 күннэригэр суруйдулар. Дьыктааны нэһилиэктэн 7 киһи, орто оскуолаттан учууталлар уонна оскуола үлэһиттэрэ 12 киһи, ону таһынан 11 оҕо суруйда. «5» сыанаҕа 5 киһи, «4» сыанаҕа 20 киһи, «3» сыанаҕа 5 киһи үлэлээтилэр.

Сэтинньи 26 күнүгэр «Социалистическай Үлэ Геройа М. Ф. Алексеев» аатынан НАДь «Олоҥхо устун айан» тематическай киэһэҕэ, уус-уран салайааччы Олимпиада Степанова сценарийынан үөһээ, аллараа, орто дойдулары билиһиннэриигэ олохтоох библиотекарь Иванова В. В. кэпсээнньит оруолун толорон түөлбэ олохтоохторун, оҕолорун сэргэхситтэ. Үс дойдуну түөлбэ олохтоохторо бэйэлэрин көрүүлэринэн оҥорбуттара өссө кэрэхсэбиллээх. Киэһэни Василий Максимов орто дойду олохтоохторун оһуокайынан түмүктээтэ.

Сэтинньи 29 күнүгэр «Сарыал» оҕо уһуйааныгар «Олоҥхо дойдута» олоҥхону билиһиннэриини, оҕолорго мультфильмы көрдөрүүнү, кылгас оһуокайы библиотекарь Валентина Иванова тэрийдэ. Кырачааннар олоҥхо туһунан сүрдээҕин кэрэхсээн көрдүлэр-иһиттилэр.

Сонуннарын үллэһиннэ олохтоох библиотекарь Валентина Иванова.