2008 сыллаахха А.И. Тобонов доҕоругар, бииргэ тулалыыр эйгэ туһугар сыраларын уурбут эколог Мартынов П.Н. аатынан сквер 2023 сыллаахха биһиги Ф.Г. Сафронов аатынан киин бибилэтиэкэ методиһа И.И. Павлова бырайыагынан тупсарыллан, кэҥээн дендрологическэй сквер статуһун ылыаҕыттан араас хайысхалаах тэрээһиннэрбитин ыытарга олус табыгастаах сирбит буолар.
🗓Ыам ыйын 23 күнүгэр биир дойдулаахпыт, эколог, Саха Өрөспүүбүлүкэтин үтүөлээх ветеринарнай бырааһа, Саха сирин улуустарыгар ракеталар стуупеннарын туһэриини утары охсуспут саха омук чулуу киһитэ, уопсастыбаннай диэйэтэл Афанасий Ильич Тобонов төрөөбүтэ 80 сылынан ахтыы күнэ Ньурбатааҕы ветеринарнай управление, Ньурбатааҕы экология салаатын үлэһиттэрэ уонна Нурбатааҕы элбэх хайысхалаах гимназия үөрэнээччилэрэ кыттыылаах тэрээһиммит Бүлүү Эбэ үрдүгэр сайыҥҥы чэбдигирдэр салгын доҕуһуоллаах ааспытын кэнниттэн кинини чугастык билсибит доҕотторо: биир дойдулааҕа И.И. Николаев, бииргэ үлэлээбит Т.И.Пахомов, сиэн балта Сандаара Тобонова ахтыыларын үйэтитэн устубуппутун бар дьоммут билиитигэр, истиитигэр таһаарабыт.
🌿Тапталлаах Ньурбабыт тулалыыр эйгэтэ чөл туруктаах хаалан дьон-сэргэ олоҕо, доруобуйата айгыраабакка этэҥҥэ олорорбут туһугар олохторун анаабыт дьоммут сырдык, үтүө ааттарын үйэтитэрбит, үлэлэрин салҕыырбыт хас биирдиибит ытык иэһэ.
Сиһили манна корун
