2022 сылы РФ Бэрэсидьиэнэ Владимир Путин Арассыыйа норуоттарын култууратын үйэлээх баайын сылынан биллэрбитэ.
Быйылгы улахан үбүлүөйдээх, САССР тэриллибитэ 100, Ньурба оройуонугар култуура тэриллибитэ 100 сылларыгар бу тэрээһин өссө ордук суолталаммыт курдук. Норуот маастарын күнүн чэрчитинэн араас хабааннаах тэрээһиннэр ыытыллаллара үтүө үгэскэ кубулуйда.

Быйыл норуот маастардарын үбүлүөйдээх быыстапката XII төгүлүн ыытыллар. «Саха сирэ — Уус дойдута» быыстапка-дьаарбаҥкаҕа республика араас улуустарыттан, Россия кэккэ регионнарыттан кыттыыны ылаллар. Ньурба оройуона бу быыстапкаҕа уран тарбахтаах, талба талааннаах дьоммут уус-уран оҥоһуктарын быыстапкатын туруорда. Биһиги нэһилиэктэн бу улахан быыстапкаҕа кытта С. П. Гаврильев аатынан Тойук НАДЬиэтин директора Степанова Екатерина Семеновна, уус-уран салайаааччыта Винокурова Венера Юрьевна кыттыыны ыла бардылар. Нэһилиэкпит аатын ааттата барбыт уран иискэ талааннаах кыргыттарбытыгар ситиһиини, араас маастардар кэрэ бэлиэ оҥоһуктарын көрөн, маастар кылаастарга, творческай мастарыскыайдарга сылдьан сатабылгыт сайдан кэлэригэр баҕарабыт. Быйылгы бэлиэ сылга «Симэх» норуот ускуустубатын уонна уус-уран оҥоһуктарын национальнай киинэ төрүттэммитэ үбүлүөйдээх 30 сыла. «Симэх» норуот ускуустубатын уонна уус-уран оҥоһуктарын национальнай киинин салайааччыта Яна Игнатьева: “Арассыйа үрдүнэн норуот оҥоһуктарын дэлэтии уустук балаһыанньалаах. Саха сиригэр норуот көҕүлээһинэ күүстээх буолан, уус-уран оҥоһук сайдыытыгар өрөспүүбүлүкэбит инники күөҥҥэ сылдьар. Ол иһин аан дойду таһымыгар көмүс оҥоһукпут, быһахпыт, хомуспут, чорооммут, аппыт симэҕэ, саха национальнай таҥаһа брендовай табаарынан буоллулар”, — диэн бэлиэтээбит тылларынан түмүктээн туран, билиҥҥи кэммит үйэлэргэ хаалар уус-уран дьүһүлгэнэ инникилээх кэскиллээх буоларыгар эрэнэ түмүктүүбүт.

Мария Николаева, Хаҥалас.