Бүгүн, ыам ыйын 1 күнүгэр Эйэ, Үлэ, Маай бырааһынньыгар, Улуу Кыайыы 80 сылын көрсө, ыраастаныы субуотунньуктара ыытыллаллара үтүө үгэс буолла.

Киирэп кулуубун уонна библиотекатын үлэһиттэрэ, субуотунньук кэннэ, сахалыы ас астаатыбыт.

Онтубутун кэһиилэнэн сэрии сылларын оҕолоругар Мария Дмитриевна уонна Прокопий Иванович Алексеевтарга тиийэн, ыал буолбуттара 65 сылынан уонна Мария Дмитриевнаны бүгүҥҥү төрөөбүт күнүнэн эҕэрдэлээтибит. Сааскы
чэмэлкэй күн сылаас, сырдык, истиҥ эҕэрдэ тылларбытын этэн, наҕылыччы атах тэпсэн олорон сэлэһэн, кыратык да буоллар, кырдьаҕастарбытын аралдьытан астынан кэллибит.