Ыам ыйын 27 күнүгэр ыытыллар өрөспүүбүлүкэтээҕи быйылгы акция Россияҕа Аҕа дойдуну, Саха сиригэр Ийэ дойдуну көмүскээччилэр уонна Улуу Кыайыы 80 сылларыгар ананан ыытылынна.
Тэрээһиммитигэр Д.И.Николаев аатын сүгэр Киирэп орто сүһүөх оскуолатын алын кылаас үөрэнээччилэрэ, төрөппүттэрэ кытыннылар.
Ааҕааччыннан анал байыаннай дьайыы кыттыылааҕа, Россия дьоруойа Григорьев Андрей Николаевич илэ бэйэтинэн кэлэн оҕолор болҕомтолорун тарта, акциябыт суолтатын ордук үрдэттэ.
Андрей Николаевич «Дьоруой уолаттарбыт»диэн кинигэттэн быһа тардан аахта, элбэх боппуруостарга эппиэттээтэ, оҕолорго бэйэтин баҕа санаатын тиэртэ.Ааҕааччы киэҥ араҥатын хабар бу акция сыалын ситтэ дии саныыбын.
Альбина Николаева
