Бала5ан ыйын 25 күнүгэр Ксенофонт Дмитриевич Уткин аатынан Ньурбатааҕы Норуоттар доҕордоһууларын түмэлин быыстапкалыыр саалатыгар Саха Өрөспүүбүлүкэтин култууратын үтүөлээх үлэһитэ, коллекционер, Дьиикимдэ нэһилиэгин библиотекара Светлана Никандровна Павлова «Оһуордаах-мандардаах сахам чорооно» тус коллекциятын быыстапката аһылынна.

Быыстапкаҕа араас кээмэйдээх, ойуулаах-бичиктээх чорооннор, саха сирин улуустарын норуот маастардарын үлэлэрэ бааллар. Барыта 9 арасс материалтан оҥоһуллубут, 210-тан тахса чороон быыстапка5а туруоруллубут.

Быыстапка биир ый устата К. Д. Уткин аатынан Ньурбатааҕы Норуоттар доҕордоһууларын түмэлин быыстапкалыыр саалатыгар туруо5а.Кэлиҥ, чороон кэрэ эйгэтигэр киирэн чороон улахан маастардарын талааннарын кытта билсиҥ, сүгүрүйүҥ!

Быыстапканы көрүҥ, сэргээҥ!