Сэтинньи 25 күнүгэр талааннаах автор Наталья Васильевна Степанова-Каретникова «Эһиги буолаҕыт, аанньаллар, үрүҥ күн сырдыга сарыаллар …» диэн кинигэтин кэтэһиилээх презентацията буолла.

Тэрээһин иһирэх уонна истиҥ атмосфераҕа ааста, Наталья Васильевна айымньытын сэҥээрээччилэри уонна киниэхэ саамай чугас дьону түмтэ.

Ыҥырыллыбыт ыалдьыттар ортолоругар Наталья Васильевна бииргэ үлэлээбит коллегалара, биир идэлээхтэрэ Иннокентьев Евгений Николаевич, Ирина Дмитриевна Софронова, Сардаана Васильевна Алексеева, Семенова Екатерина Прокопьевна, Софронова Ольга Васильевна, ону тэҥэ литератураны уонна искусствоны сэҥээрэр бэриниилээх доҕотторо ыалдьыттаатылар.

Ыалдьыттар автор айымньытын туһунан бэйэлэрин санааларын үллэстэн, кини ураты көрүүтүн уонна киһи дууһатын дириҥник өйдүүрүн бэлиэтээтилэр.

Наталья Васильевнаны бу бэлиэ түгэнинэн эҕэрдэлиибит уонна киниэхэ салгыы айар үлэтигэр ситиһиилэри баҕарабыт!