Ньурба улууһугар сылы быһа, 12 ый устата ыытыллыбыт «Сахалыы ааҕарбытын таптыыбыт» күрэхпит түмүктэннэ. Бу бырайыак Үөһээ Бүлүүтээҕи оҕо библиотекатын үлэтин опытыттан ылыллан, биир сыл устата Ньурба улууһугар ыытылынна. Дьиэ кэргэни төрөөбүт тылынан ааҕарга угуйар,көҕүлүүр, ийэ тыл сүмэтин иҥэрэр, төрөөбүт тылы, сахалыы ааҕыыны уонна дьиэ кэргэн сыаннастарын, үтүө үгэстэрин ытыктыырга, харыстыырга, киэн туттарга иитэр, дьиэ кэргэнинэн сахалыы ааҕары, төрөөбүт тылларын өрө тутар дьиэкэргэттэри бэлиэтиир сыаллаах бэккэ үлэлээтэ. Улууспут араас нэһилиэктэриттэн, Дьокуускайтан тиийэ уопсайа 18 дьиэ кэргэн кыттыыны ылла.Кыайыыга дьулуурдаах, тулуурдаах 10 дьиэ кэргэн 12 араас сахалыы айымньыны ааҕанбиэтэккэ тиийэн кэллэ. Кыттыбыт дьиэ кэргэттэрбитигэр барҕа махтал буоллун.

Онон Ньурба улууһун саамай ааҕар, кыайыыга дьулуурдаах дьиэ кэргэттэринэн буоллулар:

1 үрдэл Светлана, Тимур,Виктория Семеновтар (Антоновка)

2 үрдэл Саша Беляев,Саргылана Васильева, Күндээдэ сэл.

3 үрдэл Наталья, Василий,Эвелина, Айаана, Дьулуур Васильевтар, Акана сэлиэнньэтэ. Кыттыбыт, биһигини кытта бииргэ буолбут дьиэ кэргэттэр туоһу суругунан бэлиэтэниэхтэрэ, кыайыылаах дьиэ кэргэттэргэ сэмэй бириистэр, добун суруктар туттарыллыахтара.

https://t.me/druzyabiblioteki/3877