Ньурба оройуонун ыччатын, култуура үлэһиттэрин, уопсастыбаннаһын ортотугар икки күн олох күөстүү оргуйда. Икки күннээх былааннаах үлэ чэрчитинэн араас хабааннаах лиэксийэлэр, үөрэхтэр, бырайыактыыр үлэҕэ холонуулар, үлэ уопутун үллэстиилэр, төгүрүк остуоллар, көрсүһүүлэр, кэнсиэртэр буоллулар. Ким, туох, ханна, хаһан буолбутун утары киэҥ араҥаҕа сырдата, кэпсии олордубут.

Бу улахан түһүлгэ төрүттэммитигэр Ньурба култууратын эйгэтин үлэһиттэрин уонна ыччат аатыттан ис сүрэхпититтэн махталбытын ытыктабыллаах ыалдьыттарбытыгар, Арктикатааҕы судаарыстыбаннай ускуустуба, култуура уонна креативнай индустрия университетын кэлэктиибигэр, ректор Саргылана Семеновнаҕа тиэрдэбит!

Эһиги ыытар үлэҕит Киэҥ Ньурба киэлитин култуурата сайдыытыгар эрэ буолбакка, дьон-норуот аныгылыы толкуйа, өйө-санаата, эһиил ыытыллаары турар СӨ норуоттарын IX спортивнай оонньууларын үрдүк таһымҥа тэрийэргэ бүттүүн норуот сомоҕолоһуутугар сүҥкэн кылаат буоларын билинэбит уонна махтанабыт!

Күндү ыччат дьоммутугар бу курдук алтыһыылар кынат үүннэрдиннэр, саҥа тыыны эптиннэр, сырдык сүүрээни киллэрдиннэр!