Олунньу 10 күнүгэр Убайаан бибилэтиэкэтигэр «Ийэ тылым — саха тыла» диэн тургутук ( квиз) буолла.

Бу саха тылыгар өйү уонна билиини тургутар квизка тылы үчүгэйдик билэр араас саастаах, идэлээх, үлэлээх-хамнастаах Ньурба интеллектуаллара мустан оонньоотулар.

Тургутук сэттэ түһүмэ5эр барыта түөрт хамаанда күрэхтэстэ. Оонньуу сорудахтара Саха тылын лексикатыгар грамматикатыгар уонна литературатыгар билиҥҥи интирниэт, киэҥ иэннээх информация эйгэтигэр көтөҕүллэр боппуруостарыгар олоҕурда. Чуолаан уһатыылаах аһаҕас дорҕоон, тыл кэннигэр «ҥ» дор5оон сөпкө тутуллуутугар, табыгастаах тылбаас, топонимика, эргэрбит тылларга, оскуолаҕа үөрэтэр айымньыларбыт ааттарыгар сүрүн бол5омто уурулунна.

Хамаандалар бары да тэҥ кэриэтэ бааллаахтара. Оонньуу бүтэһигэр «Сардаана» (Софронова Е. И., Саввинова О. А., Захарова К. С.) уонна «Чэчик» ( Ефремова Н. М., Нехоруковы Нь. Н., Корнилов А. Д.) хамаандалар баалларынан тэҥнэстилэр. Бу түгэҥҥэ хамаандалар бэйэ бэйэлэригэр ыйытыы биэрэн күөн көрсүбүттэрин түмүгэр «Чэчиктэр» кыайан таҕыстылар.

Кыттааччылар бары даҕаны олус үчүгэй бэлэмнээх кэлбиттэр, бэйэ бэйэлэриттэн биирдии- иккилии эрэ баал араастаһан саппай уопсан истпиттэрэ. Убайаан бибилэтиэкэрдэрэ бу тымныы кыһыҥҥы киэһэ диэн чаҕыйбакка төрөөбүт сахабыт тылыгар аналлаах тургутукка үөрэн-көтөн кытта кэлбит Ньурбабыт мындыр дьонугар махталларын тиэрдэллэр. Итиэннэ бириистэри спонсордаабыт национальнай иһит хампаанньатыгар «Көмүлүөккэ,» Ньурбатааҕы бибилэтиэкэ ситимин директорыгар Васильева Юлия Андреевнаҕа барҕа махтал буоллун!