Бүгүн Татьяна Лукина -Бүлүү кыыһа, Чурапчы кийиитэ Татыйаас Ньурбатааҕы киин бибилэтиэкэтигэр абаҕатын «Олоҕум кэрчиктэрэ» диэн кинигэтин бэлэх уунна.

Васильев Николай Егорович Бүлүү оройуонун І Күүлэт нэһилиэгэр төрөөбутэ. Сэрии сылларыгар Бүлүү детдомугар иитиллибитэ. Үлэ, тыыл бэтэрээнэ. Дьокуускайдааҕы сибээс техникумун кыһыл дипломунан бутэрбитэ.

СГУ-ну ситиһиилээхтик бүтэрэн, хайа инженерин идэтин ылан, «Индигирзолото», «Куларзолото», «Депутатсколово» комбинаттарга, Сангаар шахтатыгар уонна 16 сыл Мирнэйгэ үлэлээбитэ. Кыһыл көмус промышленноһа сайдыытыгар утүөлэрин иһин Саха Республикатын Президенин ыйааҕынан «Гражданскай килбиэн» бэлиэнэн наҕараадаламмыта.

Саха сирин араас оройуоннарыгар сир аннынааҕы баайы хостооһуҥҥа күүскэ улэлээбит саха киһитэ Николай Егорович Васильев олоҕун суолун кэрэхсибиллээх кэпсээнэ ааҕааччы киэҥ араҥатыгар ананар.