Кулун тутар 8 күнүгэр «Алгыс» Маардааҕы норуот айымньытын дьиэтигэр нэһилиэк олохтоохторугар, ытык-мааны ыалдьыттарга сандал саас салаллан кэлбитинэн, Аан дойдутааҕы Кэрэ аҥардар күннэринэн «Голубой огонёк» биэчэрэ буолан ааста.

Дьоро киэһэни иилээн-саҕалаан ыытта Ньурбаттан бастыҥ тамада Светлана Васильева Света Музыка.

Эр дьоннор уонна кэлбит ыалдьыттар эҕэрдэ ырыаларын бэлэхтээтилэр.7 остуолга анаан араас оонньуулары ыытта. Чаппандаттан, Дьаархантан, Мархаттан ыалдьыттар кэлэн бардылар. Остуолга да , биирдиилээн да араас көрдөөх оонньууларга кыттан бириис ыллылар.

Итии чэйдээх, араас минньигэс астаах остуолларга олорон бары ирэ-хоро кэпсэтэн, оонньоон, ыллаан-туойан, үҥкүүлээн, бэлэх ылан дуоһуйа, астына сынньанан тарҕастылар