Муус устар 27 күнүгэр — тапталлаах дойдубут бу улуу, ытык, үөрүүлээх, Сахабыт  өрөспүүбүлүкэтэ төрүттэммит күнүгэр Малдьаҕар нэһилиэгин Н. Сэмиэнэп аатынан норуот айымньытын киинигэр тэрилтэ үлэһиттэрэ кыттыылаах «Мин дойдум – Саха сирэ!» квиз-оонньуу ыытылынна.

Түөртүү киһилээх түөрт  хамаанда кэлэн күөн көрүстүлэр, билиилэрин-көрүүлэрин хаҥаттылар.

4 түһүмэҕинэн  уоннуу ыйытыыга бириэмэҕэ хоруйдаатылар: бастакы түһүмэх — «Сахабыт сирин историята», иккис түһүмэх — «Култуура уонна искусство», үһүс түһүмэх —  «Успуорт», төрдүс түһүмэх —  «Кини кимий?». Оонньуу хаамыытын бириэмэтин кэтээтэ, эппиэттэрин бэрибиэркэлээн түмүгү таһаарда норуот айымньытын уус-уран салайааччыта Степанова Л.С.  Түмүккэ, учууталлар хамаандалара: Кириллин А.С., Кириллина С.А., Саввинова С.Н., Филиппова Л.В. кыайыылааҕынан таҕыста. Иккис миэстэни эбээлэр, эһээлэр хамаандалара: Дьячковская Ю.С., Васильева В.В., Иванов Н.А., Куприянов В.А. ыллылар. Үһүс миэстэни ОДьХ үлэһиттэрин хамаандалара: Васильев В.Е., Васильев А.Е., Софронов А.Н., Саввинов А.А.

 Кыайыылаах хамаандалар Добун суруктарынан, сэмэй бириистэринэн наҕараадаланнылар. Ону сэргэ, саамай аҕам саастаах кыттааччы бу бэлиэ күҥҥэ 80 үбүлүөйдээх сааһын туолбут Василий Артамонович Куприяновы эҕэрдэлээн өйдөбүнньүк бэлэх туттардыбыт.

Бу оонньууга хамаанда туруорбут тэрилтэ салайааччыларыгар, бука бары кыттааччыларга улахан махталбытын биллэрдибит.