Ыам ыйын 15 күнэ – аан дойдуга дьиэ кэргэн күнэ.    Дьиэ кэргэн күнэ 1993 сыллаахха ООН генеральнай Ассамблеятынан бигэргэммитэ. Ыал кыһалҕаларыгар болҕомтону уурар сыаллаах ылыллыбыта. Дьиэ кэргэн – хас биирдии киһиэхэ саамай күндүтэ буолар.

 Бу өбүгэлэрбит саҕаттан саҕаланан биһиэхэ, оҕолорбутугар, сиэннэрбитигэр салҕанар. Бу дьиэ кэргэҥҥэ өй-санаа күүһэ, төрөөбүт дойдуга таптал, аҕаттан уолугар, ийэтиттэн кыыһыгар бэриллэр сыаннастар, үгэстэр бэриллэр, тарҕанар, утумнанар уйалара.

Бүгүн Мэҥэдьэк библиотекатыгар дьиэ кэргэттэргэ аралдьытар, сынньатар оонньуулаах ийэ уонна оҕо күрэҕэ буолла. Кыттыыны ыллылар Сахайаан, Саина Тимофеевтар, Кэрэ Куо, Нарыйа Поповалар, Дьулусхан, Уйгулаана Тимофеевтар.

Маҥнайгы түһүмэххэ оҕо саас арыалдьыта – ойуулугу таайыы буолла,  Сахайаан Тимофеев тэҥнээҕин булбата. Иккис түһүмэххэ карточкаларынан аҥаардарын булуу оонньуу.

 Үһүс түһүмэҕинэн – бэриллибит хоһоону ааҕыы. Төрдүс түһүмэххэ төрөппүттэр оҕолорун кинигэ быыһыгар хаартыскаҕа түһэрдилэр.

Түмүккэ, Сахайаан, Саина Тимофеевтар бастаатылар. Иккис – Дьулусхан, Уйгулаана Тимофеетар, үһүс – Кэрэ Куо, Нарыйа Поповалар буоллулар. Бүгүҥҥү күнтэн оҕолор дьиэ кэргэн күнэ баарын, библиотекаҕа  төрөппүтү кытта кэлэн, бириэмэни туһалаахтык атаарыахха сөбүн биллилэр. Бары астынан, дуоһуйан тарҕастылар.  

Бибилэтиэкэр кэлбит ыалдьыттарга махтанан туран, алаһа дьиэҕит иһэ оҕо күлүүтүнэн, үөрүүтүнэн толору, дьоллоох оҕо саас, таптал уйата буоллун. Ийэ ууһа буолан ууһааҥ, аҕа ууһа буолан тэнийиҥ диэн  алгыс тылынан атаарда.

Матрена Габышева, Мэҥэдьэк