13 улуустан 205 ыалдьыт кыттыылаах күннэр үөрүүлээх аһыллыыта «Кыталык» КД кулун тутар 21 күнүгэр буолла. Сарсыардаттан култуура дыбарыаһын тилэри нэһилиэктэр талааннаах маастардарын сиэлтэн-кылтан оҥоһуктарынан, нэһилиэк бастыҥ сылгыһыттарын сырдатар стендэлэринэн толордулар.
Ньурбатааҕы киин бибилэтиэкэ 40 матырыйаалтан турар » Дьөһөгөй оҕотун үрдүк аатыгар…» диэн кинигэ быыстапкатынан үлэлээтэ. «Мэҥэдьэк сылгыта» разделга Маалыкайтан Вера Петровна Аммосова ыыппыт матырыйаалларын дьон-сэргэ интириэһиргээтэ.
Ыалдьыттар быыстапканы сиһилии көрөн, ыйыталаһан суолтатын үрдэттилэр. Н. Т. Винокуров «Сылгыны иитии» диэн саҥа кинигэни бэлэх ууннулар.