Саха Өрөспүүбүлүкэтин Ил Дархана А.С.Николаев  2018 сыллаа5ы  ыйааҕынан ыам ыйын 22 күнүн —  Сайылык күнүнэн  биллэрбитэ.

Бүгүн Мэҥэдьэк нэһилиэгэр үгэс буолбут Ньукуолун таҥара күнүн, Сайылык күнүн Е.Е.Алексеев аатынан түмэл иннигэр самаан сайын сатыылаан кэлбитин айхаллаан, күөххэ үктэммиппитин уруйдаан салама ыйаан, аал уот оттон, быппаҕынан, арыылаах алаадьынан айах тутан, кыл кырыымпа тыаһынан ыраастанан көрүстүбүт.  

Биһиги өбүгэлэрбит уһун, тымныы кыһын кэнниттэн,  баччаларга, от-мас тыллыыта, сүөһүлэрин-астарын илдьэ кыстыктарыттан сайылыкка көһөн тахсар үгэстээхтэрэ. Мэҥэдьэк сайылыктарыгар өр сылларга үтүө суобастаахтык үлэлээбит ыанньыксыттары, биригэдьиирдэри, бостууктары,  убаастыыр, ытыктыыр дьоммутун, бу тэрээһиҥҥэ ыҥырыы ыытан ыҥыртаан, сайын кэлбитинэн эҕэрдэлээтибит.

Олохтоох библиотекарь Габышева Матрена Гаврильевна сайылыкка сыһыаннах викторина ыытта. Кыайыылаа5ынан 90 саастаах Дмитриева Аграфена Даниловна буолла.
Саха киһитэ, ыччата, кэнчээри кэскилэ норуотун үтүө үгэстэрин умнубакка, тарҕата турдун. Барыгытын сайылык күнүнэн итиитик истиҥник эҕэрдэлиибит.

 
 
Матрена Габышева, Мэҥэдьэк