Буойун аата өлбөт-сүппэт,
Дьоллоох олохпут ситимэ – эйэ
Дойдуну сайдыыга сирдиэҕэ!
Бэс ыйын 22 күнэ — бу күн Арассыыйа үрдүнэн — Кутурҕан уонна кэриэстэбил күнэ. 1941 сыллаахха, бэс ыйын 22 күнүгэр фашистскай Германия уоттаах сэриинэн туох да сэрэтиитэ суох биһиги дойдубутугар эмискэ саба түспүтэ. Ол кэмтэн 85 сыл ааста. Төһөлөөх Эдэр ыччат эдэр саастарын билбэккэ ,тапталларын көрсүбэккэ сэрии толоонугар охтубуттара буолуой?!
Бүгүн бэс ыйын 22 күнүгэр Ньурбатааҕы кииннэбит библиотека үлэһиттэрэ уонна «Ньурба уоттарын» чилиэнэ, баянист Тимофей Егорович Шестаков -Чоххуруос В.А.Петрова аатынан Кырдьаҕастар дьиэлэригэр ыалдьыттаатылар. Мустан олорор аҕа саастаах көлүөнэҕэ Егор Михайлович Поликарпов аҕа дойду сэриитигэр анаан айбыт мелодияларын — «Дьиӈнээх герой — өлбөт герой» (К. Уткин тыллара, Е. Поликарпов мелодията), “Мин саллаат уолабын” (П. Тобуруокап тыллара, Е. Поликарпов мелодията), “Өлбөттөр, сүрэххэ тыыннаахтар” (М. Куличкина тыллара, Е. Поликарпов мелодията) — Шестаков Т. И. — Чоххуруос баяӈӈа оонньоон иһитиннэрдэ. Сандаара Игоревна П.Тобуруокап, К.Уткин, М.Куличкина хоһооннорун аахта. Тургутук боппуростарыгар олохтоохтор көхтөөхтүк кыттан, минньигэс бириистэри тутан, сэргэхсийдилэр.
Ону таһынан Ньурба буойун эдэркээн суруйааччы уолу ахтан, кини хоһооннорун ааҕан тэрээһиммитин түмүктээтибит. Алексей Софронов-Сындыыскай төһө да сэрии толоонугар сырыттар төрөөбүт дойдутун, дьоннорун умнубакка кинилэртэн күүс, иэйии ылан айыллан тахсыбыттара олус истиҥ хоһооннор. Кини хоһоонноругар эмиэ ырыа баар.
«Сүрэҕим эрэйдээх,сүрэҕим,
Эн туохтан,бу курдук долгуйдуҥ,
Адьаһын акаары күтүргүн,
Ыксааҥҥын, ыгыллан битийдиҥ
Дойдуга иккистээн эргийбэтэ
Дьулааннаах сураҕы иһитттиэҥ,
Доҕорбун дьоннорбутун көрсүбэт
Дьылҕабын,аналбын тосхойдуоҥ?»
Олохтоох, Петров Василий Афанасьевич, Е.М. Поликарпов ырыаларыттан сөбүлүүр ырыатын ыллаата.
Үйэлэри уҥуордаан, кэнэҕэс кэнчээри ыччакка аҕа көлүөнэ хорсун быһыыта, кырдьыктаах дьыалата саҥа кыайыыга сирдээтин! Бэтэрээннэрбит олорон ааспыт олохторун холобурунан, сомоҕолоһон, сорук туруорунан, төрөөбүт түөлбэбитин сайыннарыахха, үлэлиэххэ, үөрэниэххэ.
Ким да умнуллубат, туох да умнуллубат!
Ф.Г.Сафронов аатынан Киин бибилэтиэкэ ааҕааччыны кытта үлэлиир салаата.
