Бодорус   —  туохтуур.  Кимниин эмэ уһуннук бииргэ сылдьан үчүгэйдик өйдөһөр, тапсар буол. —  Быть в отношениях взаимопонимания с кем-либо, ладить; привыкать.-Саха тылын быһаарылаах кылгас тылдьыта.-с.32

Холобур:  Дьүөгэлэргиттэн атын дьону кытта бодоруһума. А. Софронов
Ситэ уонча хонук ааспатаҕа, үөрэнээччилэрим бодоруһан, кэргэннэһэн, чугасыһан барбыттара. Софр. Данилов
Кинилэр миигин кытары кэнникинэн бэркэ бодоруспуттара. И. Сосин.

 «Бодорус — 2026» бырайыак иһинэн Ньурба куорат аҕам саастаах дьоно суббота аайы пааркаҕа үөлээннээхтэрин кытта мустан, алтыһан, кэпсэтэн-ипсэтэн, ыллаан-туойан сэргэхсийэллэр. От ыйын 11күнүгэр пааркаҕа Ф.Г. Сафронов аатынан киин бибилэтиэкэттэн Софронова Е.И. ыҥырыллан ыалдьыттаата, оонньуу тэрийдэ.

«Доҕордоһуу»,  «Бодоруһуу» икки хамаанда тэриллэн көрдеех эстафетаҕа күрэх ыытылынна. Кыттааччылар хас да түһүмэхтээх эстафетаҕа көхтөөхтүк кыттан, кыайыылааҕынан «Доҕордоһуу» тахсан минньигэс «аптаах» дьаабылаканан наҕараадаланнылар.

«Буккроссинг: Читающая Нюрба» бырайыагынан сынньанааччылар болҕомтолоругар араас жанрдаах кинигэлэр быыстапклара тардылынна, сөбүлээбит кинигэлэрин үөрэ-көтө, дьиэлэриттэн кинигэ аҕалыах буолан, ыллылар.

Ф.Г. Сафронов аатынан киин бибилэтиэкэ ааҕааччыны кытта үлэлиир салаа.