🏛️🤓📚 Бэс ыйын 2 күнүгэр Ф.Г. Сафронов аатынан киин бибилэтиэкэҕэ дьиэтигэр Үһүс көлүөнэ оскуолата үлэтин саҕалаата.🎉🎊👏

☀️✨🌿Үрүҥ тунах ыһыахтары көрсө Ньурба оройуонун бэтэрээннэрин сэбиэтин салайааччыта Олесова Татьяна Прокопьевна көҕүлээһининэн норуот маастара Наталья Федотовна Трофимова кэлэн олбох тигиитигэр, сиэлтэн тымырдаайы өрөргө уонна сахалыы быысапка ньымаларыгар маастар-кылаас биэрбитэ олус махталлаах!😍👍👏

🧵🪡🧶Бу дьарыкка сылдьан
норуот маастара Трофимова Н.Ф. араас өҥү ураннык дьүөрэлээн тикпит тупсаҕай бэйэлээх, дьоҕус оҥоһуктарын илдьэ кэлбитин эт илиибитинэн тутан-хабан, хаартыскаҕа түһэрэн, иис мындыр ньымаларын, үлэ хардыыларын көрөн-билэн астынныбыт. Ыал ийэтэ барахсан өбүгэ үгэһигэр чугаһаан налыччы олорон дуоһуйа иистэннэҕинэ кута-сүрэ сынньанар, санаата да сааһыланар буоллаҕа…

⚜️✨Ытыктабыллаах Наталья Федотовна! 🙏👏Үтүө сүбэҕинэн иискэ холонор далбардары кынаттыы, угуйа мэлдьи үөрэ-көтө, этэҥҥэ сырыт диэн алгыыбыт!🙌 Эн мындыр сүбэлэриҥ, иискэ тус бэйэҥ кистэлэҥнэргин арыйан үөрэппитиҥ инникитин биһиэхэ төһүү күүс буолуохтара!

Раиса Мартынова