Үһүс көлүөнэ оскуолата от ыйын 15 күнүгэр Ф.Г.Сафронов аатынан бибилэтиэкэҕэ сайыҥҥы оҕуруотчуттары түмтэ.

Бастакы түһүмэххэ Антоновка оскуолатын учуутала Васильева Галина Егоровна ньээм ньээм от туһатын билиһиннэрдэ, ньээм оттон салат, мүөт, чэй арааһын бэлэмнээн кэпсии-кэпсии амсатта. Араас боппуруостарга толору эппиэттээтэ.

Иккис түһүмэххэ Антоновка бөһүөлэгэр олорор, тэлгэһэтигэр оҕуруот, үүнээйи арааһын олордуунан 40-ча сыл устата дьарыктанар, энтисийээс-оҕуруотчут Агафья Тарасова сайыҥҥы оҕуруотуттан сүбэлэрин иһиттилэр.

Кэлбит ааҕааччыларбытыгар кучу оттон, моонньоҕон сэбирдэҕиттэн, хатыҥ сэбирдэҕиттэн, дьөлүһүөнтэн, чаагаттан чэйдэри көйөрөн күндүлээтибит.

Ыалдьыттарбыт ирэ-хоро кэпсэтэн, араас сайыҥҥы сүмэлээх сүбэлэри истэн, астынан тарҕастылар.

Софронова Е.И.