Бүгүн, алтынньы 14 күнүгэр, Ньурба чулуута, талааннаах композитор Афанасий Александрович МОРГУСОВ 75 сааһын туолар үбүлүөйдээх күнэ.

Саха култууратын үтүөлээх үлэһитэ, Ньурба оройуонун бочуоттаах олохтооҕо, композитор Моргусов А. А. үбүлүөйдээх сылынан бар дьонугар «АЙАР ҮЛЭ ААРТЫГЫНАН» диэн дьоһун кинигэни бэлэх уунар.

134 сирэйдээх кинигэҕэ Афанасий Моргусов бэйэтин олоҕуттан суруйбут ахтыылара, кини туһунан араас кэмҥэ суруллубут ыстатыйалар, ахтыылар, хаһыакка бэчээттэммит интервьюлара киирдилэр.

Кинигэ библиографическай ыйынньыгар кини айымньылара, ырыалара, музыкалара, нотографията, диискэлэрин, видеоклиптарын ссылкалара киирбиттэрэ олус кэрэхсэбиллээх. Олус үчүгэй хаартыскалар — ааспыт кэм кэрэһиттэрэ.

Айар үлэ аартыгынан айымньылаахтык айанныыр култуура, искусство дьиҥнээх байыаһа Моргусов А. А. олоҕун нөҥүө Ньурба сирин култууратын, Саха ырыатын, музыкатын сайдыытын историята.

Кинигэни Ньурба куорат киин библиотекатыгар кэлэн билсиҥ.