Алтынньы 28 кунугэр Малдьаҕар нэһилиэгэр Саха норуодунай бэйээтэ Петр Тобуруокап төрөөбүтэ 105 сылыгар аналлаах «Күннүүн оонньуур күөрэгэйдэр» диэн ааттаан оскуолаҕа киириэн иннинээҕи саастаах оҕолор ыккардыларыгар кустовой хоһоон ааҕыытын күрэҕэ ыытылынна. Хатыы, Чуукаар, Малыкай, Малдьаҕар нэһилиэгиттэн барыта 16 оҕо куйаар ситиминэн кытыннылар.
Тумуккэ, кыайыылаахтарынан буоллулар:
4-5 саастаахтарга I миэстэ – Юлиана Амонова (Малдьаҕар), II миэстэ – Попова Кэрэ Куо (Хатыы), III миэстэ – Егоров Андрей (Малдьаҕар);
5-6 саастаахтарга I миэстэ – Филиппова Виктория (Малдьаҕар), II миэстэ – Саввинова Айсара (Малдьаҕар), Платонова Ангелина (Малыкай), III миэстэ – Ксенофонтов Дьулуур (Хатыы);
6-7 саастаахтарга I миэстэ – Рехлясова Катя (Малдьаҕар), II миэстэни – Семенов Айгылаан (Малдьаҕар), III миэстэ – Тимофеев Сайаан (Хатыы).
Бу маннык Саха норуотун тапталлаах суруйааччытын күнүгэр сөп түбэһиннэрэн, Аҕа Баһылыкпыт А.А. Степанов уһуйаан үлэһиттэрин, оҕолору бүгүҥҥү тэрээһининэн эҕэрдэлээтэ уонна биһиги нэһилиэк саамай ытыктанар дьиэ кэргэни, өр сылларга Саха тылын уонна литературатын учууталынан үлэлээбит, Петр Тобуруокабы кытта Малдьаҕарга илэ көрсүбүт, дуоһуйа кэпсэппит, Саха өрөспүүбүлүкэтин үтүөлээх учууталын, учууталлар учууталларын, Саха өрөспүүбүлүкэтин үөрэҕин системэтин бочуоттаах бэтэрээнин, Ньурба оройуонун уонна Малдьаҕар нэһилиэгин бочуоттаах олохтооҕун Данилов Николай Дмитриевиһи уонна кини кэргэнэ Анна Тимофеевна Михайлованы тыыл, үлэ бэтэрээнин, доруобуйа харыстабылын туйгунун, Саха өрөспүүбүлүкэтин бочуоттаах бэтэрээнин, Ньурба оройуонун уонна Малдьаҕар нэһилиэгин бочуоттаах олохтооҕун ыал буолан олорбуттара 62 – с сылыгар Саха өрөспүүбүлүкэтин Ил Дарханын эҕэрдэ суругун уонна «Семейная доблесть» бэлиэтин туттарда. Кырдьаҕас учуутал улахан махталын биллэрдэ, П.Тобуруокап туһунан кэпсээтэ, «Кинигэ дьиҥнээх билии кылаата» буоларын чопчулаан эттэ.
Бу күрэҕи тэрийсэн ыыппыт «Чуораанчык» уһуйаан үлэһиттэригэр, Никииппэр Сэмиэнэп аатынан НАК, бириис олохтообут тэрилтэлэргэ уонна П.Тобуруокап хоһооннорун үөрэтэн иитиллээччилэрин кыттыннартаабыт нэһилиэк уһуйааннарыгар улахан махталбын биллэрэбин.
ИВАНОВА Елена, Малдьаҕар
2022 сыл, алтынньы 28 күнэ.
