КҮНДҮ БЭЛЭХ
Бүгүн, олунньу 2 күнүгэр киин бибилэтиэкэбитигэр күндү бэлэхтээх Яковлевтар дьиэ кэргэн ыалдьыттаата. Түмүк нэһилиэгин 10 оҕолоох дьиэ кэргэн ийэтэ Дария Федоровна алын сүһүөх кылаас учууталынан, ыал аҕата Дмитрий Николаевич Маардааҕы 3№ профтехучилищеҕамаастарынан оҕо-ыччаты үөрэтиигэ олохторун анаабыт ытык-мааны дьоммут. Дария Федоровна Яковлева алта кинигэ ааптара. Бүгүн кини аан маҥнайгы 2010 сыллаахха таһаарбыт «ИҺИРЭХ ИЙЭ, ЭЙЭҔЭС ЭБЭЭ» кинигэтэ биһиги фондабытын хаҥатта.

Дьиэ кэргэн диэн хас биирдии киһиэхэ саамай күндүтэ, улахан баайа буоларын, ол олоҕун мындырдык толкуйдаан олордоҕуна, чөл олохтоох, уһуну-киэҥи толкуйдуур киэҥ-холку көҕүстээх буоллаҕына хайдах да ыарахаттары этэҥҥэ туоруур күүстэнэрин бу кинигэ героинята, ааптар ийэтэ Николаева Мария Тихоновна олоҕун холобуругар көрөбүт.
Алта олуктан турар 115 сирэйдээх, олус ааҕымтыа, истиҥ ахтыылартан уонна Мария Тихоновна тус бэйэтэ кэпсээбит сэһэниттэн суруллубут кинигэттэн дьиҥ сахалыы иһирэх салгын, үйэлээх таптал тыына илгийэр.