Өҥөлдьөҕө «Күндү бэлэх — кинигэ» акция олунньу 14 күнүттэн саҕаланан олунньу 21 күнүгэр түмүктэннэ.

Нэһилиэкпит олохтоохторо Иванова Н.В., Петрова Т. Д., Никитина С. Д., Степанова Н. А., Степанова М. А.,Степанова Р. Д., Иванов А. М., Никитина С. Н. художественнай уонна уран тарбахтаах хаһаайкаларга аналлаах кинигэлэри олохтоох библиотекаҕа аҕалан бэлэхтээтилэр. Ону таһынан поэтесса Потапова В. Н. библиографическай ыйынньыгын, Чуукаар оскуолатын 100 сыллаах юбилейыгар тахсыбыт кинигэни, Михайлова М. Д. автордаах «Верхневилюйские славянки» кинигэлэри аҕалан библиотека фондатын хаҥаттылар.

Хорулаҕа Өҥөлдьө делегацията үлэ опытын атастаһа, шефтэһэ бара сылдьыбыт улахан тэрээһиннэригэр сөп түбэһиннэрэн Хорула библиотекара Андросова Л. И. олохтоох автор Айаалла үс кинигэтин уонна олорон ааспыт хоту дойду үлэһит салайааччыта Саввинов А. Т. олоҕун, үлэтин туһунан «Народный организатор, настоящий хозяин» диэн кинигэни бэлэх уунна.

Олохтоох библиотека фондата акциянан барыта 37 кинигэнэн хаҥатыллан ааҕааччыларга күндү бэлэх буолла. Акцияҕа кыттыбыт бары дьоммутугар махтанабыт!

Библиотекарь Иванова В. В.
Олунньу 22 күнэ.