Кулун тутар 29 күнүгэр XII республикатааҕы «Сата» бэстибээл үөрүүлээх аһыллыытыгар Хаҥалас нэһилиэгин «Алаас Хотуна» (сал. Федорова М. Г.) эбээлэр түмсүүлэрэ куорат киин уулуссатын устун сэлэлээн хаамыыга киирэн, Сата бэстибээл үөрүүлээх аһыллыытыгар кыттыыны ыллылар.
Онон оройуон култуурнай олоҕун остуоруйатыгар кыттыһан, бу сааскы чаҕыл күннүүн тэҥҥэ үөрэн, сүргэлэрэ көтөҕүллэн кэллилэр.

Маны сэргэ С. П. Гаврильев аатынан «Тойук» Надьиэтэ (дир. Степанова Е. С.) фестиваль ыалдьыттарыгар анаан, олохтоох биллэр тимир ууһа А. В. Афанасьев — Арыйаан Уус оҥоһуктарын, иис үлэлэри култуура департаменын быыстапкатын саалыгар туруорда.

Билигин олох сыаннастара, сайдыы тэтимэ уларыйа турар уустук кэмигэр, эдэр көрөөччү искусство бу уһулуччулаах эйгэтин — Тыйаатыры таптыы умсугуйа көрөллөрүгэр, улуу Алампа эппитинии «тыйаатыр киһи үчүгэй санаатын уһугуннарар, сайыннарар оскуола» буолан, бу олоххо сахалыы куппутун чөл туруктаан, сырдыкка кэрэҕэ угуйа туруохтун!
Киэҥ Ньурба сиригэр үбүлүөйдээх театральнай фестиваль сэргэх көрөөччүтэ, истиҥ сэргээччитэ буолан, Ньурба театры таптааччыларын аатын үксэтэ туруоҕуҥ!

М. Николаева.