Таркаайы нэһилиэгин Бочуоттаах олохтооҕо, СӨ үлэтин бэтэрээнэ, Марха оскуолатыгар нуучча тылын уонна литературатыгар учууталынан улэлээбит, Марха орто оскуолатын Бочуоттаах кинигэтин хаһаайына, «2008 сыл бастыҥ учуутала», норуот маастара Любовь Николаевна Васильева бүгүн Ф. Г. Сафронов аатынан Киин бибилэтиэкэҕэ маастар кылаас ыытта.

Любовь Николаевна тарбаҕар эргиччи талааннаах буолан оҕуруонан, туостан, хордуоҥкаттан оҥоһуктары оҥорор, таҥас кырадаһыннарыттан кыбытыктаан тигииннэн дьарыктанар. Ону таһынан хаартыскаҕа түһэрэр хобби дьарыктаах.Оҕуруо тиһигин дьиктитик дьүөрэлээн тикпит араас дьэрэкээн киэргэллэрин «Оҕуруо эриэккэс эгэлгэтэ» быыстапкатын хайгыы, сэргии көрдүбүт.

Чахчы да Любовь Николаевна талааннаах тарбахтарын быыһынан оҕуруо тиһигин быыстала суох сыыйан, оһуор ырыатын ыллатарын, кэрэни үксэтэрин, үйэлээҕи үрдэтэрин итэҕэйдибит, киэн тутуннубут.

Киин бибилэтиэкэ Ааҕааччыны кытта үлэлиир салаа