Бу сайын “Алмазкредитсервис” көҕүлээһининэн ыытыллыбыт Өрөспүбүлүкэтээҕи экологическай бырайыак күрэҕэр биһиги методиспыт И. И. Павлова «П. Н. Мартынов аатынан дендрологическай сквер” бырайыага кыайбыта. Сайын устата бырайыагы олоххо киллэрээһиҥҥэ элбэх үлэ ыытылынна. Скверга оҕолор скворечник оҥорон ыйаатылар. Инникитин скворечник оҥоруутугар элбэх оҕо кыттарын ситиһэргэ акция биллэриллибитэ.

Маны таһынан, Ирина Ивановна оҕолор идеяларын өйөөн, Михайловтар дьиэ кэргэттэрэ “Многоквартирный скворечник” бырайыакка күүс-көмө буолан күрэххэ кыттыыны ылалларыгар көмөлөспүтэ.

Ф. Г. Сафронов аатынан Киин бибилэтиэкэ кыраайы үөрэтии салаатын үлэһитэ М. Р. Ноева оҕолор бырайыактара олоххо киирээригэр, тупсаҕай буоларыгар баҕаран бэйэтин уонна дьиэ кэргэнин аатыттан «эриэхэлээх тииҥчээн” садовай оҥоһугу бэлэх уунна.

Е. И. Софронова, Ф. Г. Сафронов аатынан Киин бибилэтиэкэ үлэһитэ.