Алтынньы 6 күнүгэр суруйааччы, Саха сирин норуотун хаһаайыстыбатын үтүөлээх үлэһитэ, Ил Түмэн дьокутаата, Үөһээ Бүлүү, Амма, Томпо улуустарын бочуоттаах олохтооҕо, ученай зоотехник Дмитрий Федосеевич Наумов үбүлүөйдээх 75 сааһын туолла. Литература эйгэтигэр киириитэ Дмитрий Наумов аҕа кыннын поэт Петр Тобуруокап туһунан, 2003 сыллаахха «Саха сирэ» хаһыакка, аан бастакы ахтыы ыстатыйатын «Аҕа кынным» суруйуутуттан саҕаламмыта, айар үлэ абылыҥар ылларбытым диэн билинэр. 2008 сыллаахха Саха театрыгар «Оҕустар забастовкалара» диэн пьесата туруоруллубута, көрөөччү сэҥээриитин ылбыта.
Оҕолорго аналлаах остуоруйатын «Дьүкээбил уонна Кустук Куо» оҕолор сөбүлээн ааҕаллар.
Суруйааччы тыа сирин күннээҕи түбүгүн туһунан суруйбут кинигэлэрин ааҕааччыларга анаан кинигэ выставкатын сэҥээриҥ:
«Дэриэбинэм барахсан», «Өйдөөн көрбүтүм…», «Мин кыракый дэриэбинэм» (диск) уо.д.а.
Дмитрий Федосеевич айар үлэтигэр ситиһиилэри, өссө да инникитин ааҕааччыларгын саҥа айымньыларынан үөрдэ тур!

Ааҕаччыны кытта үлэлиир салаа.