Учуутал эн өрүү
Уот сулус буолаҥҥын,
Кэрэҕэ, сырдыкка
Угуйа тураҕын!

Алтынньы 6 күнүгэр Д. И. Николаев аатын сүгэр Киирэптээҕи орто сүһүөх оскуола
коллектива, үөрэнээччилэрэ, иитиллээччилэрэ Арассыыйаҕа уһуйааччы уонна наставник,
Саха Өрөспүүбүлүкэтигэр үлэ сылыгар сөп түбэһиннэрэн учуутал күнүн өрө
көтөҕүллүүлээхтик бэлиэтээтилэр.
Бу күн баай опыттаах, элбэх оҕоҕо үгүс билиини биэрбит, киэн туттар ветеран
учууталларбытын, иитээччилэрбитин, элбэх сыл сыраларын анаабыт бары үлэһиттэри
ыҥыртаан үөрүүлээх быһыыга үөрэнээччилэр, төрөппүттэр, коллектив аатыттан муҥура
суох махталбытын, дириҥ ытыктабылбытын, киэн туттуубутун биллэрэн күндү
дьоммутугар өйдөбүнньүк бэлиэлэри туттардыбыт, эҕэрдэ нүөмэрдэри анаатыбыт, баай — талым сандалыны тула олорон ирэ — хоро сэһэргэһэн, үөрэн — көтөн тарҕастыбыт.
Үлэлии сылдьар уонна үлэлээн ааспыт, билигин бочуоттаах сынньалаҥҥа олорор күндү
ветераннарбыт, оҕолорбут араас таһымнаах ситиһиилэриттэн, иллээх – эйэлээх, айар
коллектив (директор Иванова Л. Н.) биир санааннан салайтаран ыччаты иитиигэ
эрчимнээхтик үлэлии сылдьарын көрөн астыннылар, махтаннылар.

Бары учууталлары, үлэ ветераннарын эҕэрдэлээн туран чэгиэн доруобуйаны, саҥа
кирбиилэри уонна ситиһиилэри , дьолу уонна этэҥҥэ буолууну баҕарабыт!

Николаева А. И.