«Истиҥ санаа» — диэн алтынньы 21 күнүгэр нэһилиэк ийэлэригэр, эйэҕэс эбээлэригэр анаан иһирэх биэчэр буолла. Мустубут дьон остуол тула олорон кэпсэтэн, санаа үллэстэн, ырыа ыллаан,оонньоон сэргэхсийэн бардылар. Өрүү минньигэс тортаах Федорова Розалия торт атыылаата, кулууп специалиһа Анна Васильевна телефон функцияларын таба туттарга, хештегынан хайдах туһанары көрдөрдө. Баҕалаахтары үөрэтэргэ өрүү бэлэмин биллэрдэ. Библиотекарь Альбина Ивановна «Ийэҕэ махтал» — диэн кинигэ быыстапкатын туруорда уонна сиһилии кэпсээтэ. Публицист, общественнай деятель, Капиталина Алексеева «Коронный вопрос», «Антирак» — курдук кинигэлэрэ дьон сэҥээриитин ылла. Ону таһынан «Саха сирин эмтээх үүнээйилэрэ», уо.д.а. кинигэлэр сырдатыннылар. Истиҥ-иһирэх киэһэни өрүү буоларын курдук худрук Лариса Ивановна сатабыллаахтык салайан ыытта. Бу курдук биэчэрбит олус туһалаахтык ааста. Мустубут дьон дуоһуйан, сынньанан, туһалааҕы билэн бардылар.

Николаева А. И.