Алтынньы 31 күнүгэр С. П. Алексеев-Боһуут аатынан уһуйаан улахан группа оҕолоругар «Библиотекарь» идэтин кытта билсиһэн, профориентационнай үлэ тиэмэтигэр информационнай чааһы, уһуйааччы Данилова А. А. кытта ыыттыбыт. Бүгүҥҥү бибилэтиэкэ биир сиргэ турбат, уларыйар, саҥатытыллар, ол эрээри, информацияны биэрэр анала куруутун тоҕоостоох. Онон, бэҕэһээҥҥи курдук, бүгүн бибилэтиэкэ5э көннөрү киирэн кэлиэххэ, интэриэһинэй кинигэни талан ылыахха, олохтоохтук оҥостон олоруохха уонна… ааҕыыттан дуоһуйууну ылыахха сөп.

Бүгүн оҕолор библиотека диэн тугун уонна библиотекарь диэн ким буоларын биллилэр.
Маны сэргэ оҕолор эбии саҥа тыллары: абонемент, формуляр, картотека, стеллаж урут истибэтэх тыллары биллилэр. Түмүктүүр чааска оҕолор оруолларынан үллэстэн: библиотекарь уонна ааҕааччылар буолан оонньууга кытыннылар. Бары көхтөөх кыттыыны ыллылар.

Тимофеева Е. С.