Малдьаҕар нэhилиэгэр сэтинньи 4 күнүгэр ыҥырыыбытын ылынан, Хатыы нэһилиэгин олохтооҕо, Россия «Кыһыл Кириэс» регионнааҕы психосоциальнай көмө координатора, кризиснэй психолог, гипнотерапевт, «Психологическай көмө сайдыыта» диэн регионнар ыккардыларынааҕы общественнай организация Президенэ Федотова Надежда Ивановна сарсыарда 10 ч. киэһэ 8 чааска дылы тохтоло суох 13 киһини кытта буор босхо үлэлээтэ. Бу киин сиртэн ыраах сытар нэһилиэккэ маннык таһымнаах психолог идэлээх киһи баарыттан олус үөрэбит. Надежда Ивановна куруук бэйэтин билиитин хаҥатан, сайыннаран үөрэх бөҕөҕө үөрэнэр олус кыһамньылаах үлэһит. Кини көмөтүнэн санаалара чэпчээбит, олохторо тупсубут, ситиһиилэммит дьоннор олус элбэхтэр. Үлэтин сүрүн өҥөтүнэн буолаллар: уйулҕаларыгар охсууну ылбыттарга, өлбүттээхтэргэ, бэйэлэригэр тиийиниэхтэрин баҕарбыттарга санааларын сааһыланалларыгар, уһун кэмнээҕи депрессияҕа, кыайан утуйбат буолбуттарга, сатаан саҥарбат, энурезтаах дьоҥҥо (түүн таҥаска ыытар), идэлэрин талалларыгар, олохторун оҥкулун тупсарарга, куһаҕан дьаллыкка ылларбыт дьоҥҥо көмөлөһүү. Надежда Ивановна маннык кэлэн, биһиги нэһилиэкпит дьонугар босхо көмө оҥорбутугар улахан махталбытын биллэрэбит уонна билиҥҥи үйэҕэ олус туһалаах үлэтигэр ситиһиини, тус олоҕор этэҥҥэ буолууну баҕарабыт.

Малдьа5ар нэhилиэгин бибилэтиэкэрэ Иванова Е. Н.