Сэтинньи 2 күнүгэр Оҕо уонна ыччат бибилэтиэкэтигэр Маар нэһилиэгин орто оскуолатын оҕолоругар «Онус» Тоҕо? » — биир кинигэ быыстапката ыытылынна.

Саха норуодунай суруйааччыта Н. Е. Мординов — Амма Аччыгыйа «Тоҕус төгүл «Тоҕо?» тэттик кэпсээннэрэ оҕо уонна төрөппүт майгытыгар көстөр түктэри быһыылары итэҕэтиилээхтик арыйар, ааҕааччыны толкуйдатар, бэйэ — бэйэҕэ болҕомтолоох буолууну, өйдөһүүнү, истиҥ сыһыаны иитэр — үөрэтэр ис хоһоонноохтор. Хомуурунньук тоҕо «Онус» Тоҕо?» диэн ааттааҕый? Таатта улууһун Харбалаах орто оскуолатын учуутала, СӨ үтүөлээх учуутала Светлана Романовна Иванова А. Аччыгыйа «Тоҕус төгүл «Тоҕо?» айымньытын оҕолорго аахтаран баран, бэйэлэрэ Амма Аччыгыйа курдук айан «Онус» Тоҕо?» — диэн ыыппыт кэпсээн суруйуутун Өрөспүүбүлүкэтээҕи куонкуруһун бастыҥ үлэлэрэ бу хомуурунньукка киирбиттэр. «Аквариум», «Хаар киһи», «Баһырҕас» кэпсээннэри оҕолорго доргуччу ааҕан иһитиннэрии кэнниттэн санаа атастаһыыта буолла.

Оҕо уонна ыччат бибилэтиэкэтэ.