Киирэп сэлиэнньэтин ийэлэрэ, эбэлэрэ анал байыаннай операцияҕа сылдьар буойуттарга үтүлүк, кээнчэ, наскы, онтон да атын сылаас таҥастары тигэн, мунньан ыыттылар. Кырачаан оҕолорбут да хаалсыбатылар, сылаас халыҥ наскыылары аҕалан биэрдилэр.

Бу тэрээһини олохтоох култуура киинин уонна библиотека үлэһиттэрэ тэрийдилэр. Нэһилиэк ийэлэрэ, оҕолоро алгыс тылларын этэн, дууһаларын сылааһын ууран ыыппыт таҥастара уолаттары хайаан да арчылыа, араҥаччылыа диэн эрэнэн туран көхтөөх кыттыыны ыллылар.

Николаева А. И.