Бүгүн, тохсунньу 13 күнэ, дойду үрдүнэн бэчээт эйгэтин, сонуну киэҥник тарҕатар үлэһиттэр, суруналыыстар идэтийбит бырааһынньыктара — Бэчээт күнэ бэлиэтэнэр. Бу күн Чаппанда модельнай библиотекатыгар 4 кылаас үөрэнээччилэригэр Бэчээт историятын билиһиннэрэр информационнай чаас ыытылынна. Саха Өрөспүүбүлүкэтигэр бэчээттэнэр сахалыы хаһыаттары “Саха сирэ-Якутия”,” Ил Түмэн “, «Забота-Арчы», «Кэскил”, “Бэлэм буол” оҕо сурунаала “Чуораанчык “, ”Чолбон “ уонна “Ньурба” балаһаларын билиһиннэрдим, хаьыат, сурунаал быыстапкатын билистилэр. Бу күн бэчээт күнүнэн кыраайы үөрэтээччи, 25 кинигэ ааптарыгар библиотека фондата хаҥыырыгар хас тахсыбыт кинигэтин, дьон ааҕыытыгар анаан босхо биэрэн, сэмэй кылаатын иһин библиотекам аатыттан махтал суругу туттардым. Татьяна Дмитриевна Эргэ сылы көрсө былыргы Таҥха кэмигэр туттуллар сиэри-туому билиһиннэрдэ. Эргэ урукку хаһыаттан дьон Таҥха оонньууларын суруйууларын ааҕан иһитиннэрдибит. Бу кэлбит оҕолорум 2023 сыл түмүгүнэн библиотека араас ыыппыт тэрээһннэригэр кыттан, бастайааннай ааҕааччыларым буолаллар. Онон бэчээт күнүнэн библиотекам активистарыгар, махтал суруктары кытта сэмэй бэлэхпин туттардым. Оҕолор инники да элбэх кинигэни ааҕан, куруук библиотека5а сылдьыахтара. Кэлэн кыттыыны ылан элбэҕи истэн-билэн тарҕастылар.

Бибилэтиэкэр Тимофеева Е. С.