Тохсунньу 25 күнүгэр нуучча сэбиэскэй суруйааччыта, фольклорист, суруналыыс Павел Петрович Бажов 145 сылыгар аналлаах информационнай чаас С. П. Алексеев — БоҺуут аатынан Чаппанда оҕо уһуйаанын «Колобок» улахан группатын оҕолоругар (иитээччи Данилова А. А.) ыыттыбыт.

Бастаан оҕолор суруйааччы Павел Петрович Бажов олоҕун уонна тахсыбыт кинигэлэрин кытта билистилэр. Кинилэргэ анаан, «Мир сказов Старого Урала» кинигэ быыстапката турда.
Салгыы оҕолор «Серебряное копытце» диэн П. П. Бажов суруйбут остуоруйатын, видеотын көрдүлэр, онтон тугу өйдөөн хаалбыттарыгар боппуруостарга эппиэттээтилэр. Түмүккэ суруйааччы `»Малахитовая шкатулка» остуоруйатынан оҥоһуллубут пазллары хомуйууга кытыннылар.

Библиотекарь Тимофеева Е. С.