Тохсунньу 31 күнүгэр Хорула бибилэтиэкэтигэр «Саха таҥаһа 18-19 үйэлэргэ» инфочаас ыытылынна. 9 -с кылаас оҕолоро Сахабыт сиригэр сыл — хонук уларыйан истэҕин аайы сахабыт таҥаһа быһыыта — таһаата, матырыйаала, киэргэллэрэ хайдах уларыйан испиттэрин билистилэр. Элбэх литератураны көрдүлэр, билистилэр.

Кыргыттар ордук дьахтар бууктаах сонун уонна көмүс киэргэллэрин сонурҕаан көрдүлэр, ыйыталастылар.
Уолаттар эр киһи моойторуга туох түүтүттэн оҥоһулларын, эр киһи ыстаанын моһуона тоҕо итинник быһыылааҕын дьиктиргээтилэр. Былыргы өбүгэлэрбит таҥастара — саптара олохторун укулаатыгар сөп түбэһэр курдук быһыылаах буоларын бибилэтиэкэр быһааран биэрдэ. Былыргы саха ат — оҕус көлөлөөх, онон оноолоох сон, ыстаан көлөнү миинэргэ табыстаах гына тиктэллэр эбит.

Андросова Л. И.