Бүгүн Маардааҕы модельнай библиотекаҕа Төрөөбүт тыл уонна сурук-бичик күнүгэр аналлаах декада чэрчитинэн «Мин Ийэ тылым-Саха тыла» диэн аман өс күрэҕин тэрийэн ыыттыбыт.
Кыттыыны ыллылар Ньурбатааҕы техникум студеннара уонна Маар орто оскуолатын үөрэнээччилэрэ. Барыта 13 оҕо кытынна, онтон иккитэ Маар орто оскуолатын 10 кылааһын үөрэнээччилэрэ. Тиэмэлэри билиэт курдук талан ыллылар. Бэлэмнэнэн баран ол тиэмэлэрин төһө кыалларынан арыйан, кэпсээн күрэхтэстилэр.
Күрэҕи салайан ыытта техникум библиотекара Лена Егоровна. Күрэх сыалынан төрөөбүт тылга болҕомтону ууруу, айар дьоҕуру сайыннарыы, үтүө сиэргэ — майгыга иитии-үөрэтии буолар.
Түмүк тахсар кэмигэр Ольга Дмитриевна сахалыы остуол оонньууларын оонньотто. Барыларыгар Туоһу сурук уонна кыайыылаахтарга минньигэс туттардыбыт, хаартыскаҕа түстүбүт.
