«Саха» кѳрдѳрѳр – иһитиннэрэр хампаанньа оҕолорго аналлаах «Айтал уонна аптаах күүс» диэн ойуулугунан уруһуй күрэх тэрийэн ыытта.
Күрэххэ ѳрѳспүүбүлүкэ араас муннуктарыттан барыта 300 үлэ киирбит. Ньурба улууһун Чукаар нэһилиэгиттэн уопсайа 9 оҕо кытынна. «Ымыычаан» оҕо уһуйааныттан түѳрт, оскуолаттан биэс оҕо икки бөлөҕүнэн кыттыыны ыллылар.

Үстэриттэн алта саастарыгар диэри 3 саастаах Хороших Каролина анал бириис хаһаайына буолла. Олунньу ый 17 күнүгэр «Айтал уонна аптаах күүс» ойуулугун сүрэхтэниитигэр наҕарааданы туттарыахтаахтар. Ол туһунан салайааччы Андреева К. В. иһитиннэрдэ.

Кырачаан уруһуйдьут кыыспыт үрдүк ситиһиитинэн истиҥник эҕэрдэлиибит уонна сѳбүлүүр дьарыгын бырахпакка салгыы сайдан истин!

Ньурбатааҕы Кииннэммит бибилэтиэкэ методическэй салаата.