Ил Дархан Айсен Сергеевич Николаев 2023-2027 сс. Өксөкүлээх Өлөксөй биэс сылынан биллэрбитэ.
Кулун тутар 16 күнэ — айар тыл аҕата, бастакы тыл үөрэхтээҕэ, бөлүһүөк Алексей Елисеевич Кулаковскай-Өксөкүлээх Өлөксөй төрөөбүт күнэ. Бу күн 2022 сыллаахха чүмэчини уматыы “Өксөкүлээх сардаҥата” диэн акция олохтоммута. Онон бүгүн өрөспүүбүлүкэбит акциятын чэрчитинэн Өҥөлдьөтөөҕү олохтоох бибилэтиэкэ сүрүннүүр бибилэтиэкэрэ Валентина Иванова, Социалистическай Үлэ Геройа М. Ф. Алексеев аатынан «Сэргэ» НАДь уус-уран салайааччыта Олимпиада Степанова, бибилэтиэкэ үлэһитэ Мария Михайлова «Өксөкүлээх сардаҥата» акцияҕа кытыннылар.

Салгыы Д. И. Павлов аатынан Өҥөлдьө орто оскуолатыгар «Өксөкүлээх сардаҥата» акцияны педагогическай үлэ ветерана Анна Ильинична Никитина, саха тылын уонна литературатын учуутала Нюргуяна Григорьевна Кириллина, оскуола бибилэтиэкэрэ Оксана Афанасьевна Андреева тэрийэн ыыттылар. Онон Өҥөлдьөҕө Алексей Елисеевич Кулаковскай үрдүк аатыгар «Өксөкүлээх сардаҥата» сандаара тыкта.

Валентина Иванова.