Сылгы иитиитин сайыннарыыга туһуланан СӨ Ил Дарханын Ыйааҕынан Саха сиригэр кулун тутар 21 күнэ сылгыһыт күнүнэн 2017 сылтан бэлиэтэнэр.

Чкалов олохтоох бибилэтиэкэтигэр сылгыны үөрдээн иитиини туруктаахтык сайыннарыыга сыаллаах «Сыспай сиэллээх сахам сылгыта» төгүрүк остуол ыытылынна. Тэрээһиҥҥэ олохтоох Чкалов сылгыһыта Валерий Прокопьевич Семенов кыттыыны ылла. Сылгыны иитии тула киэҥ кэпсэтии буолла: эдэр сылгыһыттарга сүбэлэр, сылгы кыстыгын тэрийии, сылгыга эбии аһылыгын тэрийии, аты айааһааһын, хайдах күн-дьыл күүтэрин эрдэттэн билэн, сылгы мэччирэҥин кэрийэн көрөн, кыстыкка эрдэттэн бэлэмнээһин.

Г. Баснаева.