Арассыыйаҕа дьиэ кэргэн, Саха Сиригэр оҕо сылын чэрчитинэн Саха Өрөспүүбүлүкэтин күнүгэр анаан И. С. Жараев аатынан олохтоох модельнай бибилэтиэкэҕэ муус устар 25 күнүгэр «Өркөн өй» дьиэ кэргэттэргэ интеллектульнай күрэх ыытылынна. Күрэҕи Е. К. Федоров аатынан орто оскуола иитэр-үөрэтэр үлэҕэ сэбиэдиссэйэ, саха тылын учуутала Окоёмова Людмила Александровна сүрдээх кэрэхсэбиллээхтик иилээн-саҕалаан ыытта.

Күрэххэ 6 -с кылаастартан Матвеев Мирослав саҥаһынаан Матвеева Наталья Васильевналыын, 7-с кылаастан Иванова Айыына аҕатынаан Иванов Василий Васильевичтыын, 8-с кылаастан Николаев Саян эһэтинээн Николаев Семен Самсоновичтыын көхтөөх кыттыыны ыллылар.

«Кыайыыга дьулуурдарын» иһин анал аат хаһаайыттарынан Мирослав, Наталья Матвеевтар, «Тииҥ мэйии» анал ааты Саян, Сэмэн Николаевтар дьиэ кэргэттэрэ ыллылар.

«Өркөн Өй» күрэх» Кылаан кыайыылаахтар» ааттарын Айыына аҕатынаан Василий Васильевичтыын ылан үөрүү өрөгөйүн биллилэр. Күрэх сүрүн спонсардарынан»Кэскил» култуура киинэ уонна олохтоох бибилэтиэкэ буолла.

Бары кыттааччыларга, тэрийээччилэргэ барҕа махтал буоллун! Өрөспүүбүлүкэбит күнүн өрө көтөҕүллэн үөрүүлээхтик көрсүөҕүҥ!

Лариса Андросова.