Россиябыт президенэ Владимир Путин 2024 сылы Россияҕа дьиэ кэргэн олоҕо туруктаах буоларын туһугар Дьиэ кэргэн сылынан, Саха Өрөспүүбүлүкэтин Ил Дархана Оҕо саас сылынан биллэрбиттэрэ. Онон Маалыкайдааҕы олохтоох библиотека ыам ыйын 15 күнүгэр “Ааҕар дьиэ кэргэн” диэн квиз оонньуу алын сүһүөх кылаас оҕолорун дьиэ кэргэттэригэр анаан ыытта. Оонньуу соругунан хас биирдии ааҕааччыга ааҕар интэриэһи үөскэтии, төрөппүт, үөрэнээччи билиилэрин тургутан көрүү, оҕо норуот тылынан уус – уран айымньытын билэр – көрөр баҕатын уһугуннарыы, сайыннарыы.

Оонньуу 6 түһүмэҕинэн буолла. Кыттааччылар хас түһүмэх ахсын толкуйдатар, өйү санааны сайыннарар, толкуйу эрчийэр сорудахтары толорон умсугутуулаах айаны аастылар. Барыта биэс дьиэ кэргэн кытынна.

Түмүккэ – Яковлевтар: Сайаара 1 “а” кылаас үөрэнээччитэ, ийэтэ Луиза Ивановна, эбэтэ Валентина Михайловна кыайыылаах таҕыстылар.

Иккис миэстэ Саввиновтар: Роберт 4 “б” кылаас үөрэнээччитэ, ийэтэ Нюргуяна Федотовна, эбэтэ Светлана Семеновна буоллулар.

 Үһүс бириистээх миэстэни Степановтар: Данил 3 “а” кылаас үөрэнээччитэ, ийэтэ Майя Степановна, эбээтэ Галина Семеновна ыллылар.

Маны сэргэ Ивановтар уонна Халабышевтар дьиэ кэргэттэрэ көхтөөхтүк кытыннылар.

Кыайыылаахтар, кыттааччылар бары грамотанан уонна бирииһинэн наҕараадаланнылар.

Аммосова В. П.