Федот Григорьевич Сафронов аатынан Киин библиотекаҕа “Библиотечнай ГТО” күрэх саҕаланна. Бу тэрээһин Марха улууһа төрүттэммитэ 200 сылыгар уонна Бүтүн Арассыыйатааҕы библиотекарь күнүгэр ананар. Ону сэргэ төрөөбүт сахабыт тылын киэҥ эйгэҕэ тарҕатыыга туһуланар.

Ыам ыйын 20-22 күнүгэр диэри бастакы түһүмэҕэ ыытыллар. Күнүн аайы үстүү араас тэрилтэлэр хамаандалара күөн көрсүөхтэрэ. Онтон 2 түһүмэххэ, ыам ыйын 24 күнүгэр, 3 хоппут хамаанда квест оонньуу түмүгүнэн, иккис түһүмэх кыайыылаахтарын быһаарыахпыт.

Бүгүн, ыам ыйын 20 күнүгэр Үлэлээх буолуу киинин, Элбэх хайысхалаах киин (о.э. МФЦ), Кииннэммит бухгалтерия ситимин хамаандалара дьыктаан суруйуутугар, мүнүүтэҕэ ааҕыыга, тылтан тыл таһаарыыга күрэхтэстилэр. Иккис түһүмэххэ кыттар чиэскэ Кииннэммит бухгалтерия ситимэ тигистэ.