Федот Григорьевич Сафронов аатынан Киин библиотекаҕа “Библиотечнай ГТО” күрэх буола турар. Бу тэрээһин Марха улууһа төрүттэммитэ 200 сылыгар уонна Бүтүн Арассыыйатааҕы библиотекарь күнүгэр ананар. Ону сэргэ төрөөбүт сахабыт тылын киэҥ эйгэҕэ тарҕатыыга туһуланар.
Ыам ыйын 20, 21, 23 күннэригэр бастакы түһүмэҕэ ыытыллар. Күнүн аайы үстүү араас тэрилтэлэр хамаандалара күөн көрсүөхтэрэ. Онтон 2 түһүмэххэ, ыам ыйын 24 күнүгэр, 3 хоппут хамаанда квест оонньуу түмүгүнэн, иккис түһүмэх кыайыылаахтарын быһаарыахпыт.
Бүгүн, ыам ыйын 21 күнүгэр Ньурбатааҕы Үөрэҕирии управлениятын уонна Нюрбатааҕы Тутуу управлениятын (ИСУ) хамаандалара дьыктаан суруйуутугар, мүнүүтэҕэ ааҕыыга, тылтан тыл таһаарыыга күрэхтэстилэр. Үөрэҕирии управлениятын хамаандата бэйэлэрин билиһиннэриилэрин олус чаҕылхайдык көрдөрөн үөрүүбүтүн үксэттилэр. Иккис түһүмэххэ кыттар чиэскэ Нюрбатааҕы Тутуу управлениятын (ИСУ) хамаандата тигистэ.
