Ыам ыйын 27 күнүгэр алтыс сылын ыытыллар «Кинигэ күүһэ » акцияҕа барыта 13 киһи, ол иһигэр 4 оскуола оҕолоро кыттыыны ыллылар. Тиэкиһи Маар орто оскуолатын 7 кылааһын үөрэнээччитэ Афанасьева Уйгууна Амма Аччыгыйын «Сааскы кэм» романыттан быһа тардан аахта.
Остуол тула олорон романы ырытыстыбыт. Оҕолор олус сэҥээрдилэр. Уйгууна аахпытыттан бэйэтэ эмиэ кэпсээтэ, ырытыста.
Кыттыыны ылбыт дьоммутугар махтанабыт.

Маардааҕы олохтоох библиотека.

Киирэп сэлиэнньэтин библиотекатыгар үгэс буолбут VI өрөспүүбүлүкэтээҕи #СилаКниги акциябыт ситиһиилээхтик ааста. Ааҕааччыбыт 8 кылаас үөрэнээччитэ Иванова Аня А. С. Пушкин «Сказка о царе Салтане»кинигэтиттэн быһа тардан доргуччу аахпытын иһиттибит. Истээччилэр бары Аня ааҕыытын сэргээн иһиттилэр уонна махтаннылар. Акция бүппүтүн кэннэ ааҕааччыга уонна кыттааччыларга сертификаттары туттардыбыт. Акцияҕа барыта 16 киһи кытынна.

Николаева А. И.