«Волшебный рюкзачок» оҕо-аймах тапталлаах суруйааччыта Бүөтүр Тобуруокап айар үлэтин салгыы билиһиннэрэр. Оҕолордуун бүгүн, ыам ыйын 29 күнүгэр, «Танюша туһунан» хоһоону аахтыбыт. Эбээ диэн кимин, кини хайдах буоларын кэпсэттибит. Бу олорон оҕолор бэйэлэрин эбэлэрин санаан ыллылар. Танюша кыыс хайдаҕын, тоҕо өрүү манньа көрдүүрүн толкуйдаан быһаардылар. Ол курдук, кыыс ачаатын, сүрэҕэ суоҕун бэлиэтээтилэр. Дьарыкка презентациянан ойуу нөҥүө саҥа тыллары бардыбыт. Ол курдук, оҕолор «сүүтүк», «ампаар», «тайах» диэн тыллары биллилэр. Онтон Үөһээ-Бүлүүтээҕи «Теремок» уһуйаантан Варламовтар дьиэ кэргэн уһулбут тэттик видеотын көрдүбүт. Түмүккэ иитиллээччилэр атаах Танюша курдук буолуо суохпут диэн сөбүлэстилэр, дьонноругар көмөлөһүөх буолан тарҕастыбыт.

Ушканова Я. В.